IDP ҚҰЖАТЫНЫҢ ЖАРАМДЫЛЫҚ МЕРЗІМІ
Клиенттеріміз тарапынан жиі қойылатын сұрақтарға жауап ретінде, халықаралық жүргізуші куәлігінің (IDP) жарамдылық мерзіміне қатысты ресми ақпаратты ұсынамыз.
Қолданыстағы заңнамаға сәйкес, IDP-дің ең ұзақ жарамдылық мерзімі — үш жыл. Алайда, ол иесінің ұлттық жүргізуші куәлігінің (Қазақстандық права) мерзімінен аспауы тиіс. Бұл талап Қазақстан Республикасының «Жол қозғалысы туралы» Заңында (11-тарау, 73-бап, 9-тармақ) және 1968 жылғы «Жол қозғалысы туралы» Вена конвенциясында (41-бап, 3-тармақ) бекітілген.
Мысалы:
Егер сіздің қазақстандық праваңыздың мерзімі 2026 жылдың мамырында аяқталса, онда IDP де тек осы күнге дейін ғана беріледі (тіпті оны 2028 жылға дейін жасату мүмкін болса да). Мұндай жағдайда біз алдымен ескі праваңызды eGov немесе Kaspi арқылы жаңасына ауыстырып, содан кейін ғана IDP-ге тапсырыс беруді ұсынамыз.
Жүргізуші куәлігін eGov немесе Kaspi арқылы онлайн ауыстыруға болады:
Жүйеге кіру — eGov Mobile немесе eGov.kz порталына ЭЦП немесе биометрия арқылы кіріңіз.
Қызметті таңдау — «Жүргізуші куәліктерін беру» бөлімін табыңыз.
Өтінімді толтыру — Ауыстыру себебін көрсетіп, суретіңіз бен қолтаңбаңызды жүктеңіз.
ХҚКО таңдау және төлеу — Өзіңізге ыңғайлы ХҚКО-ны (ЦОН) таңдап, мемлекеттік бажды төлеңіз (2026 жылы — 5 290 теңге).
Растау — Өтінімге ЭЦП немесе SMS-код арқылы қол қойыңыз.
Құжатты алу — Дайын куәлікті таңдалған ХҚКО-дан барып алып кетіңіз.
Осылайша, шетелге шығар алдында жүргізушілер өздерінің IDP құжатының жарамдылық мерзімін заң талаптарына сәйкес тексеріп алғаны жөн. Бұл басқа елдерде көлік басқару кезінде құжаттың заңдылығына кепілдік береді.