ШЕТЕЛДЕ КӨЛІК БАСҚАРУ ҮШІН ҚАНДАЙ ҚҰЖАТТАР ҚАЖЕТ?
Бізге жиі қойылатын сұрақтардың бірі — шетелде көлік немесе басқа да көлік түрлерін айдау үшін қандай құжаттар керек және оларды талап еткен кезде не көрсету қажет.
«Жол қозғалысы туралы» Вена конвенциясының 41-бабы, 2-тармағына сәйкес, аталған құжатқа қол қойған елдерде халықаралық жүргізуші куәліктері (IDP) міндетті түрде осы Конвенцияның 7-қосымшасындағы талаптарға сай болуы керек. Сондай-ақ, IDP тек тиісті ұлттық жүргізуші куәлігімен (Қазақстандық правамен) бірге көрсетілген жағдайда ғана жарамды деп танылады.
Осылайша, демалыста немесе іссапарда шетелде көлікті толықтай заңды түрде басқару үшін сіздің қасыңызда IDP (Халықаралық куәлік) және Ұлттық жүргізуші куәлігі, сондай-ақ егер бар болса, ID-карта болуы қажет. Бұл құжаттардың жиынтығы кез келген тексеріс немесе көлік жалдау кезінде қиындықтардың алдын алады.